Contoh Atur Pasrah Penganten Kakung Bahasa Jawa Singkat Padat

- 5 Februari 2023, 13:51 WIB
Contoh Atur Pasrah Penganten Kakung Bahasa Jawa Singkat Padat
Contoh Atur Pasrah Penganten Kakung Bahasa Jawa Singkat Padat /Pixabay

Assalamu’alaikum Warahmatullahi Wabarakatuh.

Kawula nuwun, Bapa/Rakamas/Adhimas (nama paraga panampi) ingkang hangemban wajib luhur wonten ing madyaning pahargyan punika minangka sulih sarira saking Bapa (ingkang hamengku karsa) sakalihan garwa, ingkang satuhu bagya mulya.

Sowan kula ing ngarsa panjenengan minangka duta-sarayanipun Bapa (nama tiyang sepuhipun panganten kakung) ingkang pidalem ing (dedunung tiyang sepuhipun panganten kakung).

Baca Juga: Doa Syukuran Menempati Rumah Baru, Teks Bacaan Lengkap Arab Latin

Saderengipun kula ngaturaken menggah wigatosing pisowan kula, keparenga langkung rumiyin kula ngonjukaken suka-syukur tuwin sembah puji ing ngarsa Dalem Gusti Ingkang Maha Suci, inggih awit rumentahing barokah tuwin kawilujengan, satemah lampah kula hangirid panekaring putra panganten kakung manggih rahayu-wilujeng kalis saking pringgabayaning margi.

Minangka purwakaning atur, kula kinen ngaturaken salam taklimipun Bapa (nama tiyang sepuhipun panganten kakung) sakalihan, mugi kaaturna Bapa (nama ingkang hamengku karsa/tiyang sepuhipun panganten putri) sakalihan garwa.

Sumusul atur ingkang angka kalih, sowan kula saprelu nglarapaken saha ngaturaken sekar cepaka mulya sasele inggih pinanganten kakung Anakmas (nama panganten kakung), putra kakungipun Bapa (nama tiyang sepuhipun panganten kakung).

Ingkang punika, putra panganten kakung kula aturaken panjenengan. Kajawi saking punika, minangka tangsuling katresnan, kula kinanthen sasana redana/amplop tuwin ubarampe sawatawis, mugi-mugi katampia kanthi suka renaning panggalih, sarta sageda nambahi raketing pasadherekan anggenipun sami mangun bebesanan.

Baca Juga: Nadzom Hidayatus Shibyan dan Artinya Lengkap 40 Bait tentang Ilmu Tajdwi.

Salajengipun menggah badhe kaleksananing sedya, kula sapanggrubyuging pinanganten kakung, tansah jumurung ing karsa sinartan puji-donga, mugi-mugi Gusti Ingkang Maha Agung ngijabahi sedya-tama punika. Amiin.

Halaman:

Editor: R. Nur


Tags

Artikel Rekomendasi

Terkait

Terkini

Terpopuler

Kabar Daerah

x